Funcionalidades
Que fai, e a quen lle serve.
Ordenado por quen o usa e non por como está feito por dentro, porque nunha peme de 12 traballadores esas catro persoas adoitan ser tres — e ás veces a mesma dúas veces—.
Quen ficha
A súa xornada, sen buscala.
A pantalla de quen traballa non é un panel de control: é un botón grande e as súas horas debaixo. Nada máis entrar xa sabe como vai o mes.
- Fichar
- Entrada, saída e pausas. A hora ponna o servidor, nunca o móbil.
- As súas horas do mes
- Ao entrar, sen buscalas. É o que o TXUE chama accesible, e por iso está o primeiro.
- As súas marcas, unha a unha
- E as que non puxo ela saen diferenciadas, con cor e cunha etiqueta en palabras.
- Que datos constan sobre ela
- A súa ficha enteira, con «Non consta» onde non hai nada. É condición previa para poder pedir que se rectifiquen.
- Pedir unha ausencia ou vacacións
- Co saldo diante ao escoller as datas, e o xustificante cifrado se cómpre anexalo.
- Pedir que se corrixa un día
- Desde a fila da xornada, sen depender de que haxa un xefe de quenda: nunha empresa pequena moitas veces non o hai. Pídese cun motivo escrito, e quen xestiona decide.
Quen leva unha quenda
O equipo de hoxe, dunha ollada.
Quen organiza unha quenda necesita dúas cousas: saber quen está dentro agora mesmo e poder mirar o mes sen saír da aplicación.
- O equipo do día
- Quen entrou, quen está en pausa e quen aínda non fichou.
- A grella do mes
- O mes enteiro da súa xente: o pasado desde as xornadas xa calculadas, hoxe en curso, e o futuro cos festivos e as ausencias que xa se saben.
- Aprobar ausencias
- As da súa xente, co saldo e a cobertura do día diante.
- E o que NON ve
- O motivo dunha ausencia médica. Ve que a persoa non vén e que está cuberta, e díselle en palabras que o motivo está reservado. É o art. 9 do RXPD.
Quen xestiona
Todo o que hai que poder amosar.
É a parte máis grande, e non por gusto: case todo o que esixe o art. 34.9 acaba sendo un documento que alguén ten que poder sacar.
- Cadro de persoal, contratos e centros
- Cos seus responsables e o seu historial: quen dependía de quen e en que centro estaba cada día.
- Regras de cómputo e calendario laboral
- A xornada prevista, as pausas e os festivos, cos de cada centro á parte dos xerais.
- Correccións que non borran nada
- Cada unha co seu motivo, o seu autor e a súa data. O fichaxe orixinal queda: quedan os dous.
- O rexistro de cambios
- Consultable e con filtros. Quen tocou que, cando e desde onde.
- Informes en PDF
- Co seu pé normalizado e a pegada do período impresa, xunto coa fórmula coa que se calcula — un hash do que non se publica como se obtén non o pode comprobar ninguén—.
- Resumos mensuais
- Os do art. 12.4.c) para tempo parcial, emitidos o día 1, versionados se unha corrección tardía cambia o mes, e coa descarga acreditando a entrega.
- O documento de organización
- O do art. 34.9, xerado desde a configuración real da empresa e versionado cada vez que esa configuración cambia. Non o escribe ninguén a man.
- Vacacións e saldos
- Por persoa e ano, con arrastre configurable e bolsa de días debidos.
- Xornada intensiva e reparto da semana
- O verán intensivo, o venres curto ou as horas repartidas como as teña o teu convenio, e a previsión do ano co que levas cumprido.
O rexistro de cambiosVer a captura completa
Un informe listoVer a captura completa
Quen inspecciona ou representa
Dúas portas máis, e cada unha ve o seu.
O rexistro ten que estar a disposición de tres partes, e non da mesma maneira. Así que hai tres camiños distintos e ningún fai o traballo doutro.
- A Inspección de Traballo
- Emítese unha credencial temporal de só lectura, acoutada ao período que pida. Non é unha conta, non leva o contrasinal de ninguén e revógase cando toca.
- O paquete completo
- Un descargable co rexistro do período, os seus totais e a comprobación de integridade. Sae igual aínda que esa comprobación falle, pero marcado en todas as páxinas: negarse a emitilo deixaría a empresa sen poder amosar o seu rexistro por un fallo que pode ser noso.
- A representación legal
- Ve xornadas e totais do seu ámbito. Non ve o DNI, nin o correo, nin o motivo dunha corrección: é o principio de pertinencia, e aquí aplícase quitando datos, non pedindo discreción.
Quen ve que
Cada papel ve o seu, e ningún pisa o outro.
Os tres primeiros contéñense uns a outros. As outras dúas portas non son máis grandes: son outras, e ven menos.
A empresa enteira
Quen xestiona: o cadro de persoal e os documentos que hai que poder amosar.
O meu equipo
Quen leva unha quenda, e só os días en que o tiña a cargo.
As miñas xornadas
Quen ficha ve as súas e os seus propios datos. De ninguén máis.
E dúas portas á parte
A Inspección de Traballo
Só lectura, acoutada ao período que pida e con caducidade.
A representación legal
Xornadas e totais do seu ámbito, sen DNI, sen correo e sen o motivo dunha corrección.
Na túa lingua
Catro linguas, e escólleaa cada persoa.
Non a escolle a empresa: cadaquén pon a súa nos seus axustes e vea así desde o primeiro día. Estas son palabras da aplicación, tal e como saen na pantalla.
Castellano
FichajeÚltimo registro:Salida
Català
FitxatgeÚltim registre:Sortida
Galego
FichaxeÚltimo rexistro:Saída
Euskara
FitxaketaAzken erregistroa:Irteera
Sen bandeiras: unha bandeira é un estado, e aquí falamos de linguas.
No móbil
Instálase coma unha aplicación. Sen ser unha aplicación.
Chámase PWA, e o único que hai que saber é o que fai: ábrese no navegador unha vez, prémese «instalar», e a partir de aí queda unha icona no móbil ou no escritorio que abre a pantalla completa, sen barra de enderezos e sen volver teclear o enderezo. Nin tenda, nin descarga, nin permisos.
1. Ábrea no navegador
Coma calquera web, desde o móbil ou desde o ordenador. Non hai nada que descargar.
2. Pide instalala
Un toque no menú do navegador. Nin tenda, nin descarga, nin permisos: é a mesma web, gardada.
3. E quédache na pantalla
Abre a pantalla completa, sen barra de enderezos, e lembra a túa sesión.
Onde está o botón
- No ordenador
- Unha icona á dereita da barra de enderezos, en Chrome e en Edge.
- En Android
- O menú dos tres puntos, e «Engadir á pantalla de inicio».
- En iPhone
- O botón de Compartir, e «Engadir á pantalla de inicio». Safari non o ofrece nunca só, así que hai que ir buscalo.
Na entrada
Unha tableta vella no recibidor, e acabouse o «xa o apunto despois».
Para a perruquería de cinco persoas, o taller ou o bar: xente que non traballa diante dun ordenador e para a que entrar nunha web e fichar é unha fricción diaria. Déixase un aparello con navegador na entrada e fíchase alí ao chegar e ao saír.
- Nin aplicación nin aparello especial
- É unha pantalla web máis, pensada para un dedo e para estar sempre acesa. Vale unha tableta vella ou un portátil que xa non use ninguén.
- Cadaquén co seu PIN
- Catro cifras que se teclean en tres segundos. Actívao a propia persoa desde o seu portal, e nin quen xestiona pode poñerllo nin velo — quen che pode dar un PIN pode fichar por ti—.
A tableta dun centro só lista a quen traballa nese centro. Se o aparello se perde, revógase desde o panel e deixa de servir no acto.
E isto non
O que non fai, e por que non o vai facer.
- Biometría
- Nin pegada dactilar nin recoñecemento facial. Nunca. Non ten base xurídica para o control horario en España, e a AEPD multou por iso.
- Xeolocalización
- Non sabemos onde está ninguén, nin o queremos saber.
- Nóminas
- Nin as leva nin as calcula. Para iso xa tes xestoría.
- Cadros de quendas
- Non planifica quendas previstas. Rexistra o que ocorreu, que é outra cousa.
- Encher ocos
- Un día sen saída queda incompleto e con cero minutos, agardando unha corrección explícita. Non inventa nin un minuto, e isto non é unha limitación: é a SAN 22/2022.
- Aplicación nativa
- Non hai app de Android nin de iPhone, e o que achegaría son as dúas primeiras casas desta lista. O argumento enteiro está na portada.